Yo soy Kimetz

Tengo 16 años pero solo llevo un año siendo Kimetz

Kimetz naiz

16 urte ditut, baina urte bat baino ez daramat Kimetz izaten

Niri buruz

Kimetz naiz eta 16 urte ditut, baina urte bat baino ez daramat Kimetz izaten. Jaio nintzenean, nire gurasoek huts egin zuten pentsatzean bulba izateagatik neska nintzela, baina oso okertuta zeuden. 6 urte nituenetik banekien mutila nintzela eta azkenean 15 urterekin esan nion nire familiari.

Guztiek onartu ninduten. Egia esan, guztiek zekiten ez nintzela “neska arrunta”,  inoiz ez  zitzaizkidalako “nesken” gauzak gustatu.

Egia esan, niri musika gustatzen zait. Zoriontsua izango nintzateke egun osoa gitarra jotzen eta abesten, besterik egin gabe.

Kimetzen ama

Begoña

Aurten Kimetzek trantsitua egitea erabaki du, eta pertsonalki nire bizitza osoko une aberasgarrienak  izan dira.

Ez nuen uste abentura honek egin duen moduan ireki ahal zizkidakeenik begiak. Beti eduki dut nire burua ulergarritzat, baina, hainbeste familiarekin, hainbeste sentimendu partekatzean, nire gogoa era miragarri batean ireki da.

Kimetz jaio zenean, denok egin genuen huts eta pentsatu genuen neska zela; bulbaduna edo zakilduna zen baino ez genuelako begiratu. Inoiz ez nuen pentsatu mutila izan zitekeenik…

Aurtengo otsailean nirekin hitz egin nahi zuela esan zidan eta, esatera ausartzen ez zenez, txanoa kendu zuen eta ilea moztu zuela ikusi nuen. Neu izan nintzen ea trans-a zen galdetu ziona eta negar egiteari ekin zion. Ez zela ezer gertatzen esan nion eta hortik aurrera abentura liluragarri bilakatu zen dena.

Hortik aurrera ulertu nituen lehen ulertzen ez nituen gauza asko. Kimetz ez zen kalera irteten. Lagunik ez zituela esaten zuen. 10 urterekin hilekoa izan zuenean, nik uste nuen oso gaztea zelako zeramala gaizki, eta ez mutila zelako. Bere arrebari galdetzen nion ea Kimetz alaia zela iruditzen zitzaion eta ezetz erantzuten zidan (hori bera uste nuen nik ere).

Otsailetik aurrera dena aldatu da. Kimetz mutil alaia da, bere adineko mutilek nerabezaroan dituzten arazo bererekin. Kalera irteten da, pila bat lagun ditu; eta hoberena da, bera den bezalakoa izan daitekeela, ezkutatu gabe.

Jende ausartez inguraturik gaudela, eta Kimetz horietako bat dela konturatu naizela.