Jakizu Nafarroako Gobernuaren Hezkuntza Departamenduak baduela transexualitate-egoeran dauden neska-mutilak artatzeko protokolo bat. Beraien web-orrian eskuratu dezakezu: jaitsi agiria.
Egokiena ikastetxearekin hitz egin eta protokoloaren berri ematea da. Hala ere ez badute aplikatzen, Nafarroako Gobernuaren Hezkuntza Sailera jo dezakezu, zure eskaria aintzat har dezaten, eta ikastetxean esku har dezaten.
Ez da inolaz ere onargarria zure seme edo alabak sexu-identitateagatik jazarpenik jasatea. Lehen-lehenik, tutorearekin hitz egin beharko duzu, arazoa errotik moztu dezan. Hala gertatzen ez bada, ikastetxean bizikidetzaz arduratzen den pertsonari eta zuzendaritza-taldekoei jakinarazi beharko diezu
Hala ere jazarpen-egoera ez bada amaitzen, Nafarroako Gobernuko Hezkuntza Departamendura jo behar da, zehazki Bizikidetza eta Hezkidetza Atalera, bertatik egoerak eskatzen duen protokoloa abiarazi ahal dezaten. Beraien e-postako helbidea convive@navarra.es da, eta telefonoa, berriz, 848 42 47 77.
Aurrekoa bezala, ez da inolaz ere onargarria, eta urrats berberak eman beharko dituzu. Azken finean, Hezkuntza Sailak hartu beharko ditu arazoa konpontzeko neurriak. Beraien e-postako helbidea convive@navarra.es da, eta telefonoa, berriz, 848 42 47 77.
Ikastetxeak derrigorrez jaso behar du zuen seme edo alabaren izen hautatua bere barne-zerrendetan. Gainera, “Educa” aplikazioan haren izena aldatzea eskatu diezaiokezue ikastetxearen zuzendaritza-taldeari.
Pertsona transexualentzako osasun-arreta diziplinarteko zentro berri batean ezarri da (Transbide); bertan biltzen dira, LGTBI+ pertsonen berdintasun sozialari buruzko ekainaren 18ko 8/2017 Foru Legearen kariaz gure seme-alaben eskubide diren osasun-zerbitzuak. Legea onartu aurretik ez bezala, dagoeneko ez da inolako txosten psikologiko edo psikiatrikoren beharrik eskubide horiek baliatu ahal izateko.
Ziur asko, honezkero izango zenuen harremanik zure seme edo alabaren pediatrarekin, eta logikoena da hark Transbidera bideratzea. Zerbitzua ezagutzen ez badu, eskatu egiozu informazioa biltzeko, edo, bestela, deitu ezazu zuk zeuk Transbidera.
Transbide, harremanetarako datuak
Transbidek eskaintzen dituen zerbitzu guztiak kontsultatu ditzakezu pertsona transexualen, transgeneroen eta intersexualen osasun arreta antolatzen duen Foru Aginduan.
LGTBI+ pertsonen berdintasun sozialari buruzko ekainaren 18ko 8/2017 Foru Legeak ez du zalantza-izpirik uzten: zure seme edo alabak bere sexuari dagozkien aldagelak -eta beste edozein instalazio- erabili ditzake. Ezin argiago adierazitako dago, besteak beste, 35. artikuluaren 3. puntuaren azken paragrafoan: “Baldin eta kirol-, kultur- eta aisia- eta astialdi-jarduerak egiten diren tokietan sexuaren arabera bereizitako instalazioak badaude, nola baitira komunak eta aldagelak, parte-hartzaile transexual edo/eta transgeneroei (gainerakoei bezalaxe) bermatuko zaie sentitutako sexuari dagozkion instalazioetara sartu eta haiek erabiltzea”.
Inprimatu ezazu legea, eta paragrafo hori ondo markatu duzularik, hitz egin ezazu kirol klubaren edo igerilekuaren arduradunarekin; esaiozu legea bete behar duela.
Aisialdi-zentro horiek haren sexu eta izen sentituen arabera tratatu behar du derrigorrez zure seme edo alaba, eta behar diren agirien edo karnetean izen sentitu hori adierazi.
Hauxe dio 8/2017 Foru Legearen 34. artikuluaren 6. puntuak: “Txartel edo identifikazio-agiri bat eskatzen den liburutegi eta kultur zentro publiko guztietan, agiri horrek pertsona transexual edo/eta transgeneroen identitatea eta sentitutako sexua islatuko ditu”.
Bai, jakina. Argi eta garbi uzten du 35. artikuluaren 1. puntuak: “Nafarroako Foru Komunitatean egiten diren kirol ekitaldi eta txapelketetan, haietako parte-hartzaile diren pertsona transexual edo/eta transgeneroak ondorio guztietarako haien sexu-identitatearen arabera izanen dira aintzat hartuak”.
Erregistroan izena eta sexua aldatzea Estatu mailako lege baten menpe dago, hain zuzen ere Pertsonen sexuaren aipamena erregistroan zuzentzea arautzen duen martxoaren 15eko 3/2007 Legearen menpe. Lege horrek honako betebeharrak eskatzen ditu: 18 urtetik gora izatea, Espainiako nazionalitatea eta gutxienez bi urteko tratamendu medikua “ezaugarri fisikoak eskatutako sexuari egokitzeko”.
Indarrean dagoen legeak, beraz, adingabeen izen eta sexu aipamenaren aldaketarik ez du onartzen. Hala ere, 2019ko uztailaren 18an Auzitegi Konstituzionalak 14 urteko gazte bati izena eta sexu aipamena aldatzea baimendu zion eta ordutik epaitegietan 12 urtetik gorakoei izena eta sexu aipamena aldatzea ahalbideratzen ari zaie. Izan ere, Konstituzionalaren epaiak “heldutasun nahikoa” eta “transexualitate egoera egonkorra” egon behar direla adierazten du. Atxiki nahi izanez gero, hauxe da epaia: https://www.boe.es/boe/dias/2019/08/12/pdfs/BOE-A-2019-11911.pdf
12 urtetik beherakoentzat, epaitegi gehienetan onartzen ari dira adingabeen izen-aldaketa; alabaina, oso kasu gutxitan onartzen dute sexuaren aipamena aldatzea.
Horrez gain, 2018ko urriaren 23tik bada transexualen izen-aldaketa eskariei buruzko Erregistroen eta Notariotzaren Zuzendaritza Nagusiaren instrukzio bat, erregistro zibilei transexualitate-egoeran dauden adingabeen izena izapidetzeko eskatzen diena. Hemen BOEko argitalpena jaitsi dezakezu (gaztelaniaz), behar duzun Erregistro Zibilera eramateko.
Izena edota sexu-aipamenaren aldaketa eskatzeko eraman beharrekoak:
Hautazkoak:
Aldaketa horiek egiteko, aurretiaz Erregistro Zibilean seme edo alabaren izena aldatu beharra dago; izan ere, osasun-txartela Estatuaren eskumen batetik eratortzen da, GSIN edo Gizarte Segurantzaren Institutu Nazionaletik, eta Erregistro Zibilaren aldaketa eskatzen du.
Gauza bera gertatzen da banku-libretan izena aldatu nahi izatera. Haurraren izen eguneratua duen familia-liburua aurkeztu behar da nahitaez.
Adingabe transexualen familiei arreta emateko zerbitzua
Informazioa, aholkularitza sexologikoa eta arreta, familiatik familiara
2021 Naizen.
(argazkiak izan ezik, eta aurkakoa esaten ez den bitartean).
Webgune honetako testuak kopiatu, moldatu edo zabaldu daitezke. Hori bai, ez ahaztu egiletza aitortzen, eta ez erabili helburu komertzialekin.
